قضايا و حوادث خطير : معلمة ترعب تلميذها.. ووالدته تطلق صيحة فزع
نشر في 13 أفريل 2016 (14:05)
أطلقت السيدة فاطمة معتوق وهي والدة تلميذ بالسنة الرابعة أساسي، صيحة فزع خلال تدوينة على صفحتها بالفايسبوك، وذلك اثر بعد أن أخبرها ابنها أن معلمة التربية الاسلامية تروي لهم قصصا وصفها بالمرعبة حول المسيح الدجال وعن جهنم وأساليب العذاب في حال عدم الالتزام بالصلاة.
وأكدت فاطمة معتوق أنها ستقابل المعلمة وفي حال تمسكها في ارهاب طفلها، فإنها ستقوم بالاجراءات اللازمة وستعلم وزير التربية بالأمر.
وجاءت تدوينة والدة التلميذ كالآتي:
"معلمة سنة رابعة أساسي تزرع الرعب في قلوب التلامذة : روحت مالخدمة ارتحت شوية و عيطت لولدي قتلو شنوا قريت اليوم و كانت الاجابة عالى النحو التالي : اليوم ستي ياسمين متاع التربية الاسلامية حكاتلنا على المسيح الدجال و خفنا برشة قالت الي هو منظرو يخوف و عندو ثلاثة عينين و توا راقد في جزيرة هاواي و باش يجي نهار ويقوم باش يحكم العالم , و حكاتلنا زادة على الجنة و كيفاش فيها برشة حاجات باهية و تفاح بنين و نهر عسل و حليب أما جهنم يا مما راهي تخوف برشة و فيها سلاسل حديد يربطو بيها الناس الي ميصليوش و عملو المعاصي بعد يحطوهم في النار يغطسو فيها حتى يتشواو و يموتو و بعد يزيد يطلعلهم لحم جديد ويعاودو يتشواو ... و جبد ولدي لوحتو و صورلي دائرة قالي هكة صورتها المعلمة و في الوسط عملتها بالأحمر خاطر هذيكة النار و دايرة بيها سلاسل ... بون أنا قلت لولدي ما تصدق شي راهي خرافات لكن هو قال : يا مما راهي معلمة و تعرف كل شي ! باش نحاول بالشوية بالشوية نقنع ولدي الي معلمتو غالطة في انتظار ناخو رخصة مالخدمة باش نمشي نقابلها و نحكي معاها مباشرة و اذا كان تمسكت بطريقتها في ارهاب طفل صغير و زرع الرعب في عقلو باش نتخذ جميع الاجراءات اللازمة معاها و منيش باش نسكت و كان لزم انوصلها لوزير التربية."
